Plantun de Prouvènço

Pèr coumpara dos planto d'encò nostre

Asplenium petrarchae & Valeriana officinalis subsp. officinalis

Asplenium petrarchae

Aspleniaceae

Noms en français : Asplénium de Pétrarque, Doradille de Pétrarque.

Descripcioun :
Vaqui uno daudadeto emblematico de Vau-Cluso qu'es estado descricho pèr lou proumié cop à la Font dóu meme noum pèr J. Guérin souto lou noum d'Asplenium vallis-clausae. Es un pichoun féuse de 4 à 10 cm que crèis dins li fendasclo de roco e que se recounèis bèn emé si péu glandoulous sus li foundo e li cambo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 4 à 10 cm
Fueio : foundo
Tipe bioulougico : Emicriptoufite
Cicle bioulougico : Planto renadivo

Gènre : Asplenium
Famiho : Aspleniaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Printèms

Sòu : Ca
Autour basso e auto : 0 à 800 m
Aparado : Noun
Remarco : Tetraplouïdo
Abriéu à jun

Liò : Paret - Roucas
Estànci : Termoumediterran à Subremediterran
Couroulougi : Estenoumediterrano-Ouèst
Ref. sc. : Asplenium petrarchae (Guérin) DC., 1815

Valeriano

Valeriana officinalis subsp. officinalis

Caprifoliaceae Valerianaceae

Nom en français : Valériane officinale.

Descripcioun :
La valeriano es uno grando planto (1 à 2 m) que trachis dins li relarg mountagnous. Se recounèis à si fueio coumpausado (la souleto espèci coume acò) ; li d'en bas an de 11 à 21 fuioun en formo de lanço e un pau denta. Se destrìo de Valeriana officinalis subsp. sambucifolia pèr lou noumbre de fueioun e la loungour de la corollo qu'èi mai courto (< 5mm).

Usanço :
La planto èi couneigudo despièi li Grè pèr èstre proun vertuouso majamen contro li proublèmo de som, d'ànci, de reboulimen, pèr apasima li nèrvi e autre. Ei subretout la racino que s'utiliso (en tisano).